Hlynur Þór Magnússon

23.3.2007

Skúli Steinn Vilbergsson og viðhorf hans

Umræðurnar á bloggsíðu Skúla Steins Vilbergssonar mótorhjólakappa í Keflavík - á sínum tíma þekktur sem hnefaleikatröllið Skúli Tyson - eru nánast með ólíkindum. Þar á ég fyrst og fremst við svör og ummæli Skúla sjálfs og nokkurra sálufélaga hans.

Kannski er að bera í bakkafullan lækinn að fjalla frekar um þennan mann, athæfi hans, ummæli og viðhorf, en ég leyfi mér að tengja hér á bloggfærslu hans varðandi umfjöllunina í Kastljósi í gær og umræður sem spunnist hafa í athugasemdakerfinu. Ef til vill hafa aðrir gert það líka; ég rakst á tengingu á síðuna sjálfa á bloggi Hrafnkels Daníelssonar, sem reyndar var búinn að tengja á myndskeiðin af ofsaakstrinum á mótorhjólinu áður en þau birtust í Kastljósinu.

Þess má geta í varúðarskyni fyrir þá sem hyggjast skrifa í kommentakerfið hjá Skúla Steini, að hann tekur eftirfarandi fram á bloggi sínu:

Ef einhver hefur eitthvað vantalað við mig þá getur hann drullast til að koma til mín face to face en ekki vera meið fuckin heigulhátt bak við tölvuna heima hjá sér. Muniði það að ég get séð IP tölurnar ykkar og þ.a.l. fundið út hvar þið eigið heima.

P.s.: Lögreglan gerði í fyrrakvöld rassíu hjá handrukkurum og steratröllum á Suðurnesjum ...

Viðbót - hér er dæmi um komment sem kom inn áðan frá einum af sálufélögum Skúla Tyson:

Aron

án djóks, að þá myndi ég borga fyrir það að sjá svipinn af eitthverjum af þessum nördum sem eru harðir á bakvið skjáinn ef Skúli mætti heim til þeirra. Þið eruð að kalla hann illum nöfnum og segja honum að koma heim til ykkar. Hvað ef hann flippaði bara og mætti heim til ykkar með hníf eða eitthvað? mynduði vera jafn harðir þá með Superdós af kóki og dominos sneiðarnar?

23. mars 2007 klukkan 18:13

	Myndir af mótorhjóli á ofsahraða
Ábyrgðarmaður færslu Tilkynna um óviðeigandi tengingu við frétt

Meginflokkur: Bloggar | Aukaflokkur: Dægurmál | Breytt s.d. kl. 19:40 | Facebook

Athugasemdir

Hann getur nú lítið gert með IP tölur grey kallinn Mesta lagi fundið út að viðkomadi versli við símann, vodafone, hive eða aðra netþjónustu. Kannski funið út á hvaða vinnustað viðkomadi er, þ.e. ef vinnustaðurinn er með eigin netservera. IP tala hefur aldrei verið tengd heimilisföngum. Svo eru líka margir með flótandi IP tölu.

Marklaus hótun með öllu. Álíka marklaus og hótun Björgólfs um að flytja bankann sinn úr landi á einu bretti.

Skúli hinsvegar er klárlega verulega skemmdur einstaklingur. Það er fátt sem ég hef lesið vitlausara en það sem hann hefur um þetta mál að segja. Vona bara innilega að hann drepi engan eða örkumli með þessu háttarlagi.

B Ewing, 23.3.2007 kl. 13:26

Fór í gegnum þetta allt, ég á bara ekki til eitt einasta orð, er virkilega til svona klikkun?

Sigfús Sigurþórsson., 23.3.2007 kl. 14:15

Jamm merkilegur afkimi í bloggtjörninni og vatnið orðið nokkuð staðið og slímugt. Það gera þetta allir, er fullyrt en svo gerir hann það ekki en samt. Ætli menn geti ekki fengið hjálp við að koma ennisblaði heilans í samband aftur?

Ekki varð ég vitrari við þennan lestur, nema að síður væri. Doktorsritgerðirnar eru heldur ekki skrifaðar þarna í testosteronakademíunni. Þar er þetta allt verklegt því miður.

Jón Steinar Ragnarsson, 23.3.2007 kl. 14:47

Greinilegt að búið er að berja flest sem skiptir máli úr höfði þessara manna og það sem eftir er bakvið augntóftirnar, lítið annað en marklaus grautur sem kryddaður hefur verið með margskonar ólyfjan. Nákvæmlega svona menn sem eru hættulegastir öðrum í umferðinni og víðar. Veruleikafyrringin alger.

Halldór Egill Guðnason, 23.3.2007 kl. 17:10

Ótrúlegt að það skuli ekki vera hægt að koma lögum yfir svona menn. Að vera akandi um á meðal annara vegfaranda á nærri 300 km. hraða er ekkert annað en tilraun til manndráps.

Ágúst Dalkvist, 23.3.2007 kl. 19:45