Kjördagur um land allt ...

Öldruð kona á Ísafirði varð bráðkvödd á kjördag fyrir mörgum árum. Þegar Matthías Bjarnason alþingismaður heyrði þetta spurði hann: Var hún búin að kjósa?

 

Núna er ég búinn að kjósa og gæti þess vegna orðið bráðkvaddur með góðri samvisku.

 

P.s.:

 

Ekki gerði ég mér grein fyrir hinum mikla stærðarmun á formönnum stjórnarflokkanna. Hann sést glögglega á myndunum á mbl.is þar sem þeir eru að setja atkvæði sín í kjörkassana. Eins og kunnugt er, þá er í kosningalögum kveðið nákvæmlega á um hæð kjörkassa frá gólfi. Risessupabbi hvað?

       

 

Athugasemdir

[erlahlyns.blogspot.com, 12.5.2007 kl. 18:46]

Af þessu að dæma er ég ívið hávaxnari en Jón. Það er greinilega bull og vitleysa að hávaxnir njóti meiri virðingar en þeir lægri. Eða ekki. 

[Lilja Haralds (IP-tala skráð) 12.5.2007 kl. 20:12]

Hvernig leystist kosningamálið annars?  Síðast þegar ég vissi ætlaðirðu að liggja heima í kör og ekki kjósa.

P.S.  Vertu ekkert að detta niður dauður, ha! 

[Guðrún Emilía Guðnadóttir, 12.5.2007 kl. 20:26]

Já það er bull og vitleysa, virðing fer eftir útgeislun og talfestu hjá fólki, eða hvað. Ég man vel eftir séra Bjarna Dómkirkjupresti, og allt sem prestar geta orðið, en ég held að hann hafi ekki orðið biskup man það ekki. Já við vorum að tala um virðingu, séra Bjarni var ekki stór maður, en þvílík virðing var ekki borin fyrir þessum manni þar sem hann gekk um miðbæinn haldandi  í  kragann á jakkanum sínum nú ef hann talaði þá hlustuðu menn. Ég man líka eftir Óla blaðasala hann hafði hvorki talfestu né útgeislun og var lítill, við bárum virðingu fyrir honum. þetta eru nú þau tvö fyrstu dæmin sem ég man eftir reyndar afar ólík.Eigið góða kvöldstund.

[Vilborg Traustadóttir, 13.5.2007 kl. 16:53]

Pabbi fárveiktist eftir að hafa skroppið á sjó að veiða í soðið.  Mamma hringdi í Ólaf Þorsteinsson sem var héraðslæknir á Siglufirði.  Mamma sagði pabba hafa farið á sjó og veikst skyndilega eftir heimkomuna.  Ólafur hlustað þolinmóður á mömmu lýsa kvölum pabba, háum hita og óráði.  Svo spurði hann rólega "var hann á handfærum?"

[Lilja Haralds (IP-tala skráð) 13.5.2007 kl. 20:29]

Oh, ég er ljóska, Vilborg.  Ég fatta ekki brandarann 

[Vilborg Traustadóttir, 14.5.2007 kl. 18:29]

Æ,  útskýrði  ég ekki nógu vel að pabbi lá nánast fyrir dauðanum með svæsna lungnabólgu.  Læknirinn spurði svo bara "var hann á handfærum"!!!!!