Alltaf sömu mannlegu mistökin nokkrum sinnum í viku?

Einkennilegt er að sömu mannlegu mistökin skuli eiga sér stað nokkrum sinnum í viku. Líka að litið skuli vera á þessi reglubundnu „óhöpp“ nánast sem sjálfsagðan hlut, að því er virðist.

 

Fer ekki að verða tímabært að athuga eitthvað með starfsmanninn sem gerir alltaf þessi mistök nokkrum sinnum í viku? Eða að athuga eitthvað með yfirmenn hans? Yrði ekki athugað eitthvað með kokkinn ef eldamennskan mistækist hjá honum nokkrum sinnum í viku árið um kring, svo að dæmi sé tekið?

 

Eiginlega botna ég ekkert í þessu. En það er líklega ekki að marka.

                      

Mannleg mistök urðu þess valdandi að talsverður reykur slapp út úr ofni í járnblendiverksmiðjunni á Grundartanga í dag. Óhöpp sem þessi verða nokkrum sinnum í viku, að sögn deildarstjóra hjá járnblendinu ...  

 

Reykur frá járnblendiverksmiðjunni Grundartanga

Athugasemdir

[Sigurður Hreiðar, 22.7.2007 kl. 22:05]

Eru til einhver ómannleg mistök?

[Irrum Humanum (IP-tala skráð) 23.7.2007 kl. 00:23]

Á meðal vor eru geimverur sem gera náttúrlega ekki mannleg mistök en þær eru ekki lengur á launaskránni á Grundartanga.

[Karl Tómasson, 23.7.2007 kl. 00:52]

Mannleg mistök eru verst.

Bestu kveðjur frá Kalla Tomm úr Mosó