Líður að lokum hjá Eiði Smára

Senn líður að lokum knattspyrnuferilsins hjá Eiði Smára Guðjohnsen, enda verður hann 29 ára í haust. Ef lykilmennirnir hjá Barcelona sleppa við alvarleg meiðsli og spila ekki miklu verr en þeir hafa gert, þá virðast litlar líkur til þess að hann fái þar mörg tækifæri, a.m.k í byrjunarliðinu.

 

Þá er spurningin: Hvað gerir Eiður Smári undir lokin? Fer hann til West Ham og spilar í fyrstu deildinni á næsta ári eða kemur hann heim og spilar kannski með Val í tvö-þrjú ár?

 

Líklega á Eiður Smári glæstari feril en nokkur annar íslenskur knattspyrnumaður, að Albert Guðmundssyni einum undanskildum. Síðan kemur Ásgeir Sigurvinsson í humátt þar á eftir (hlýtur annars að vera skelfilegt að vera í Þýskalandi og heita Asgeir).

 

Skyldi Eiður Smári annars fara út í pólitík þegar hann hættir í fótboltanum, eins og Albert gerði?

 

Markalaust hjá Barcelona - Eiður ekki með

Athugasemdir

[erlahlyns.blogspot.com, 5.2.2007 kl. 12:52]

Ég verð líka 29 ára í haust en held að ég sé bara rétt að byrja... 

Líklega er það munurinn á mér og Eið Smára í hnotskurn. 

[erlahlyns.blogspot.com, 5.2.2007 kl. 12:54]

Eitt sem mér finnst ansi hvimleitt við þetta moggablogg - það er hvorki hægt að stroka út né leiðrétta eigin færslur. Glætan spætan að ég nenni alltaf að lesa yfir eigin athugasemdir áður en ég sendi þær frá mér.