Jarmur

Í gær gafst ég upp og skrúfaði fyrir útvarpið þegar rætt var við frambjóðendur í Reykjavíkurkjördæmi suður. Núna reyndi ég að hlusta á hliðstæðan þátt úr Norðvesturkjördæmi en það fór á sömu leið. Í báðum tilvikum var óhlustandi á þetta fyrir sífelldu frammígjammi.

 

Hvernig stendur á því að þetta lið hefur ekki vit eða þroska til að þegja rétt á meðan aðrir eru að reyna að svara spurningum sem fréttamennirnir beina til þeirra? Hvers vegna þarf þetta að vera síjarmandi á meðan aðrir eru að jarma þannig að úr verður óskiljanlegur margradda jarmur?

                   

Eru þetta sauðir?

                    

P.s.: Hvernig væri að einhver þokkalega talandi verði fenginn til að kynna fréttamönnum beygingar algengra orða sem fullvíst er að beri á góma, þegar þeim er falin stjórn þátta af þessu tagi? Þar má t.d. nefna orðið jarðgöng ...

 

VG bætir við sig í Norðvesturkjördæmi samkvæmt könnun

Athugasemdir

[Þorsteinn Gunnarsson, 11.4.2007 kl. 17:59]

Sammála... Þetta er meðal annars eitt af því sem fær venjulegt 'ópólitískt' fólk til þess að fá skömm á framjóðendum og pólitík yfirleitt. Sem er afleitt. Mér finnst því engin goðgá að gerð sé sú lágmarkskrafa, til verðandi þingmanna, að þeir kunni sig.

Að sama skapi er svo sem ekki nein frekja að ætlast til þess að fréttamennirnir séu þokkalega mellufærir á sínu móðurmáli. 

[Hlynur Þór Magnússon, 11.4.2007 kl. 18:57]

Keli: Það er allt annað að vera á staðnum eða hlusta á þetta gegnum útvarp. Svipað og munurinn á því að vera í réttunum á haustin eða hlusta á réttajarminn í útvarpinu. Sé að þú ert með frásögn og myndir af fundinum á blogginu þínu. Annars fannst mér hinn annars ágæti maður Jón Bjarnason einna virkastur í frammígripunum á meðan ég entist til að hlusta, Magnús Stefánsson hins vegar einna kurteisastur.

[Jón Steinar Ragnarsson, 11.4.2007 kl. 20:10]

Beygingar og föll, segðu.  Ég held að menn séu kominn með sýki í öllum föllum.  

[Ibba Sig., 11.4.2007 kl. 20:18]

Gjammið er þó skárra en frasarnir og steypan sem vellur upp úr mörgum þáttakenda. Vertu bara feginn Hlynur að hafa ekki heyrt betur.

[Magnús Jónsson, 11.4.2007 kl. 20:32]

Mikið er ég sammála þér um þan ósið að vera sífellt að gjamma ofaní þann sem hefur orðið, ég er talvert heyrnar skertur og þegar umræður manna eru með þessum hætti, þá einfaldlega heyri ég ekki neitt, hvað er sagt sérstaklega þegar 2 tala í  einhverskonar keppni um hvor þurfi að stoppa á undan til að draga andann.  

[Sólrún Þórunn D Guðjónsdóttir, 11.4.2007 kl. 22:09]

Verd ad segja ad thegar verid er ad tala um stjornmal heyri eg ekkert jarm, bara blablabla   Annars skipti eg meira voda litid af theim, treysti bara ad meirihluti kjosanda kjosi eitthvad almennilegt   Er vodalega leidinlegt ad hlusta a vidtol thegar umraeduefnid kemst ekki neitt, endalaust gripid frami stjornmal eda ekki.

[Halldór Egill Guðnason, 12.4.2007 kl. 00:01]

Enn og aftur hjartanlega sammála þér. Það er ekki fyrir nokkurn mann hægt að hlusta á þetta óbermi. Hvers konar þáttargerð er þetta eiginlega orðin? Ef meðalJóninn á að geta fylgst með, er lágmarkskrafa að maður átti sig á greinaskilum og því hvenær síðasti ræðumaður hætti að tala. Niðurstaðan úr þessu er sú að það finnst ENGINN lengur sem getur stjóðrnað orðið sjónvarps eða umræðuþætti lengur. Þetta eru allt að verða grúví gæs og píur sem, þegar öllu er á botninn hvolvt, hafa akkurat enga undirstöðu, aðra en gott útlit og dónalega framkomu við viðmælendur sína.

[Haukur Nikulásson, 12.4.2007 kl. 07:44]

Mér finnst þetta alltaf á ábyrgð þáttastjórnenda eða fundarstjóra. Hann á að vera það myndugur að láta þátttakendur vita strax í upphafi að þeir eigi að sýna hver öðrum þá kurteisi að þegja meðan aðrir tala. Hann á líka að gera þátttakendum ljóst að þeir eigi allir að fá svipaðan tíma til að tjá sig. Ég fæ orðið "fuglabjarg" alltaf í hugann þegar ég horfi á pallborðsumræður eins og þær sem Egill Helgason er með. Stundum heyrist ekki mannsins mál þar og Agli virðist oftast bara skemmt þegar þátttakendur missa sig og tala allir í einu þannig að maður gefst upp á að fylgjast með.

[Hlynur Þór Magnússon, 12.4.2007 kl. 08:25]

Ekki er orðbragðið til fyrirmyndar - þetta lið hefur ekki vit eða þroska til að þegja - en svona er að vera hundpirraður!