Kristinn er Kolbeinsey

Kristinn H. Gunnarsson alþingismaður hefur verið kallaður flokkaflakkari; jafnvel er svo að skilja að hann þvælist fram og aftur á vettvangi stjórnmálanna. Þessu er ég ósammála. Að mínu viti er Kristinn fasti punkturinn í pólitíkinni. Stefnumál flokkanna eru á sífelldu iði, flokkarnir sjálfir á reki fram og aftur fyrir straumum og vindum líkt og hafís. Kristinn stendur kjur á landgrunninu.

 

Hann er Kolbeinsey íslenskra stjórnmála.

                              

                             

Tillaga til þingsályktunar um styrkingu Kolbeinseyjar: Það er álit flutningsmanna að tímabært sé að Alþingi lýsi yfir vilja sínum til þess að allt verði gert sem innan viðráðanlegra marka getur talist til að styrkja Kolbeinsey og feli ríkisvaldinu að hafa forgöngu um mótun áætlunar í því skyni.

 

20.01.2007 Hvað gerir Kristinn H. Gunnarsson?

 

Kristinn segir sig úr Framsóknarflokknum

Athugasemdir

[Ester Sveinbjarnardóttir, 9.2.2007 kl. 22:00]

Kristinn hefur mikið persónulegt fylgi, það verður gaman að fylgjast með honum í frjálslyndaflokknum, reyndur maður sem fær ábyggilega að njóta sín í svo ungum flokki.

[Halldór Egill Guðnason, 10.2.2007 kl. 01:21]

Það er með Kristinn eins og Kolbeinsey. Þó steypt sé í hana og hún styrkt á alla mögulega máta er ekkert sem kemur í veg fyrir að hún muni fyrr en seinna hverfa. Á þann hátt er samlíkingin ekkert annað en fullkomin. Þursar daga að endingu uppi sem hreyfingarlaus ónothæf björg hvort heldur sem er ofanjarðar eða undir yfirborði sjávar. Það eina gagn sem fyrirbæri þetta gerir er að verða öðrum víti til varnaðar. 

[áslaug, 10.2.2007 kl. 03:23]

Hvað gerir Kristinn? Var það furða að maðurinn segði sig úr Framsóknarflokknum?