Kjaftháttur um Stefán Friðrik Stefánsson

Á Málefnavefnum er í gangi þráður helgaður Stefáni Friðrik Stefánssyni, einum af ofurbloggurunum hér á Moggabloggi, stjórnarmanni í Sambandi ungra sjálfstæðismanna og ritstjóra sus.is. Þar er látið að því liggja að hann hafi gengið í Frjálslynda flokkinn og verið á Landsþingi hans um daginn. Síðan vex orð af orði og spjallarar belgja sig út af hneykslun á Stefáni og framferði hans.

                  

Þannig segir Ingimundur Kjarval: Mér finnst þetta í meira lagi merkilegar upplýsingar. Ekki veit ég hvernig ég á að skilja þær þó. Eitt er víst álit mitt á Stebba eykst ekki við þessar upplýsingar ...

                     

Annar segir: Athyglisvert og lýsandi fyrir íslenska pólitík sem er bara kunningjapólitík og hugsjónir foknar út í veður og vind. Þetta þing frjálslyndra var auðvitað skandall ...

                       

Einhvern veginn finnst mér umræðan á téðum þræði ekki vera Málefnavefnum til mikils sóma. En það er nú bara mín skoðun.

           

Ætli þessi orðrómur sé á kreiki víða?

Athugasemdir

[Rannveig Þorvaldsdóttir, 12.2.2007 kl. 22:54]

Jahérna hér...  Svona umræða er engum til sóma!

[Guðrún María Óskarsdóttir., 13.2.2007 kl. 02:05]

Get nú ekki annað en hlegið , kanski Stebba blessuðum hefði verið nær að velta sér minna upp úr innanhússmálum Frjálslynda flokksins til þess að lenda ekki í því að límast þar innanhúss. Hvoru tveggja Stefán og stuðningsmenn Framsóknarflokksins hafa verið einkar ötlulir í stuðningi sínum við Margréti því verður ekki neitað.

kv.gmaria.

[Hlynur Þór Magnússon, 13.2.2007 kl. 02:32]

gmaria - snýst þetta eitthvað um pólitík? Stefán hefur lengi skrifað á Málefnin undir fullu nafni, þú hefur ekki heldur leynt nafni þínu - finnst þér framkoman sem þarna birtist undir nafnleynd kannski hið besta mál? Telur þú virkilega, að rógburður, kjaftháttur, tilhæfulaus illmælgi, eins og þarna er haft í frammi, eigi eitthvað skylt við gagnrýni, eins og mér virðist þú vera að segja í téðri nafnleysingjaumræðu á Málefnunum? Snýst þetta eitthvað um pólitík? Og svo er verið að býsnast yfir barnalandi ...

[Heiða B. Heiðars, 13.2.2007 kl. 14:31]

Ég held að vefstjórinn ætti að sjá sóma sinn í því að biðja S.Friðrik afsökunnar og skammast sín fyrir þessa umræðu. 

[Guðmundur H. Bragason, 13.2.2007 kl. 15:45]

Er Guðmundur Guðlaugsson þá að meina að þessi bullumræða, sem er nú horfin af málefni.com, sé Stefáni sjálfum að kenna?  Af því hann reynir að rökræða við fólk? Þetta er svipuð rök og að reyna að halda því fram að ef konu er nauðgað að þá sé það henni að kenna af því hún brosti til mannsins. Nei ekkert bull hér Guðmundur Guðlaugsson