Ljósmyndir úr Breiðavík 1962-64

Hallgrímur Sveinsson var forstöðumaður Vistheimilisins í Breiðavík á árunum 1962-64. Hann var þá liðlega tvítugur að aldri og fyrir skömmu útskrifaður úr Kennaraskólanum (1961). Ljósmyndir frá lífi og starfi í Breiðavík á þessum tíma má skoða á Þingeyrarvefnum.

 

Eftir dvölina í Breiðavík var Hallgrímur staðarhaldari og bóndi á Hrafnseyri við Arnarfjörð (Safn Jóns Sigurðssonar) í liðlega 40 ár og jafnframt kennari og skólastjóri á Þingeyri í nokkra áratugi. Hann hefur rekið Vestfirska forlagið í mörg ár.

 

Þingeyrarvefurinn - ljósmyndavefur

Þingeyrarvefurinn

                      

Athugasemdir

[Karl Gauti Hjaltason, 14.2.2007 kl. 19:15]

  Þeir virðast nú ekki vera illa haldnir, peyjarnir á þessum myndum !

[Valgarður Stefánsson, 14.2.2007 kl. 23:37]

Þessar myndir sýna allt aðra hlið af Breiðuvík en maður hefur séð fyrir sér undanfarið. Þarna hefur verið líf og fjör, a.m.k. þegar þessar myndir voru teknar. Maður næstum öfundar piltana fyrir að hafa fengið að kynnast sveitalífinu svona náið.

[Flosi Kristjánsson, 17.2.2007 kl. 11:20]

Heimilið í Breiðavík var athvarf drengja sem bjuggu við ýmiss konar röskun á högum, ýmist upplausn heimila eða andfélagslega hegðun.  Myndirnar víkka þá sýn sem við höfum fengið af heimilinu í fjölmiðlum að undanförnu og væri óskandi að sem flestir fengju að kynnast allri myndinni. Vera má að harka og óbilgirni hafi einhvern tíma fengið að þrífast þarna en það hefur tæpast verið alltaf. Fráleitt tel ég að Hallgrímur Sveinsson, staðarhaldar að Hrafnseyri, verði sakaður um mannfjandsamlegt hátterni í starfi sínu að Breiðavík.