15.4.2007
McDonalds á afmæli í dag
Í morgun hélt páfinn upp á áttræðisafmælið sitt, sem reyndar verður ekki fyrr en á morgun. Hins vegar eru í dag, þann 15. apríl, 95 ár frá því að Kim Il-sung fæddist, leiðtoginn mikli í Norður-Kóreu, sem ég nefndi í síðustu færslu minni. Af þessu tilefni er nú mikið um dýrðir þar í landi. Eftir að Kim Il-sung andaðist árið 1994 var þriggja ára þjóðarsorg í Norður-Kóreu en sonurinn Kim Jong-il tók við völdum og ríkir enn.
Fleiri þjóðhöfðingjar á nýliðinni öld en Kim Il-sung fæddust þann 15. apríl. Í dag eiga einnig afmæli þau Vigdís Finnbogadóttir (f. 1930), fyrrverandi forseti Íslands, og Richard von Weizsäcker (f. 1920), fyrrverandi forseti Þýskalands.
Af minnisverðum hörmungaratburðum 15. apríl mætti nefna þessa, úr því að farið er að fletta almanakinu: Þann dag árið 1865 dó eftir skotárás Abraham Lincoln, einn ástsælasti forseti Bandaríkjanna, árið 1912 sökk farþegaskipið Titanic, árið 1955 var fyrsti McDonalds veitingastaðurinn opnaður og árið 1989 létust hátt í hundrað manns á Hillsborough-leikvanginum í Sheffield.
|
Áttræðisafmæli páfa |
| Tilkynna um óviðeigandi tengingu við frétt | |
Athugasemdir
Já sennilega hafa fleiri farist af völdum Mc Donalds en í öllum stórum sjóslysum sögunnar.
Jón Steinar Ragnarsson, 15.4.2007 kl. 17:25
Já hamborgarasjálfsmorð kannski hehe
Skafti Elíasson, 15.4.2007 kl. 22:08
Ég þekki hvorki haus né sporð á Herði Þór. Að vísu er ég ekki í nánum kynnum við Margréti eða páfann heldur ...
Hlynur Þór Magnússon, 15.4.2007 kl. 23:54
Áttræður og svo til nýbúið að ráð'ann! Svo er "venjulegt" fólk í vandræðum með að fá vinnu á fimmtugsaldrinum
Ester Júlía, 16.4.2007 kl. 07:02
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.